حصرى .... قائمة مسلسلات رمضان ومشاهد منها 4

اللهم بلغنا رمضان
واكتب لنا فيه الغفران
واعتق رقابنا من النار

..........

فعلا العنوان بجد
مسلسلات رمضان عندنا هنا فى

احلى حياة فى طاعة الله

اول مسلسل وهيكون ان شاء الله
هيبدأ قبل رمضان بيومين
واسمه
ان لمعدتك عليك حق
وهو بطولة
معظم الناس
معظم الناس قبل رمضان بتشترى اكل بكميات كبيرة
تحت شعار

رمضان بيحب الاكل




وبيبقى فى اماكن تانية ناس جعانة
ومستنية منك لو كيلو مكرونة


والمسلسل دة بيتكرر كل رمضان
وبتدور القصة حول ان بعض الناس بتبالغ فى العزايم
والاكل اللهم بارك يأكل منطقة وفى الاخر يتبقى من الناس
وبيترمى فى الزبالة




يتبع

المسلسل التانى واسمه
زحمة يا دنيا زحمة وانا صايم ومش طايق



والمسلسل هيعرض ان شاء الله فى نهار رمضان
وحلقة الاعادة قبل موعد الافطار بساعة

ومكان تصوير المسلسل الشوارع
وبتدور قصة المسلسل بين كل الناس
تحت شعار صايم ومش طايق
ودة مشهد صغير منه
كيلاكـــــيت
3 .....
2 ......
1...


(فى التاكسى شاب ملتزم مع السائق)
الشاب:مش طايق ليه يعم الحج؟
السائق:انت مش حاسس بالحر والزحمة

الشاب:طب وهتعمل ايه يوم القيامة؟
السائق: شوف انا بكلمك فى ايه وانت بتكلمنى فى ايه


الشاب: طب معلش استغفر ربنا عشان تهون هن نفسك
وتاخد اجر الاستغفار
السائق: يعم بقولك حرااااااااااااااااااان تقولى استغفر


الشاب : طب بس اهدى كدة انت عارف ان كل ما يكون الصيام صعب
كل ما يزيد اجرك عند ربنا
السائق:ونعم بالله ربنا يهون علينا الزحمة دى
مهو الواحد مش ناقص
(ويعدى واحد يكسر عليه بسيارته ويبدأ قاموس من الشتائم وفى النهاية بعد ان تنهمر الالفاظ كالمطر يقول )
مش عايزين نخسر صيامنا عليكوا
دى العربية اللى جايبهالك ماما؟
ما انت لو بتشقى زينا مكنتش عملت كدة


هوة انت كدة مخسرتوش
الله المستعان
نزلنى هنا على جمب
جزاك الله خيرا
(وبعد ما يمشى يقول السائق)
ايه يعم الناس الغريبة دى
هوة مش صايم زينا وللا ايه
هادى كدة وعمال يستغفر فى سره
دة حتى كدة ريق الواحد ينشف
وللا على رايه احسن ما ينشف فى الشتايم اللى انا قولتها
سامحنى يارب

يتبع

عدناااااااااااااااااااااااااااااااااااااااااااااا
اما بقة المسلسل الثالث
ودة بطولة اسرة ملتزمة

عارفة يعنى ايه صيام ويعنى ايه رمضان؟
ومش محتاجة اتكلم عنهم
وارجو من الله ان يجعلنا جميعا ممن يقدرون هذا الشهر
الاسرة دى عارفة ان رمضان صيام مش عن الاكل بس؟
عارفة ان رمضان قرآن وقيام
عارفة ان رمضان فرصة ولازم نستغلها

..................................
اما المسلسل الاخير
" تفريغ لجزء من محاضرة صناع الفساد للدكتور حازم شومان"
وهوة بجد مسلسل مش هزار
ممثلين وممثلات


طب احنا بنعمل ايه ؟
واحد شاف شاب وقتاه واقفين فى الشارع
بيهزروا ويضحكوا وواقفين فى منظر سئ
قالهم استنوا تعالوا اطلعوا معايا بيتى
وقعدهم مع بعض وقالهم كملوا
ونده لولاده ومراته وقعدوا يتفرجوا عليهم
تخيلوا الناس هتقول عليه ايه؟
هتقوله انت بتدخل الشيطان بيتك وبتدمر ولادك
رد وقال عادى

تخيلوا معظم اباء المسلمين عملوا كدة
انت عارف المسلسلات اللى ابنك بيتفرج عليها بتعمل فيه ايه؟
انت عارف المشاهد اللى بنتك بتشوفها وانت قاعد جمبها بتعمل فيها ايه؟
بتضيعهم اد ايه؟

احنا دلوقتى دينا بيتحارب بهذه الامور
متقوليش تنوير
متقوليش فن هادف
متقوليش بيدونا خبرات فى الحياة

يا جماعة هذه المسلسلات وهذه الافلام
$&$ حرام $&$
خافوا على قلوبكوا
حافظوا على قلوبكوا
كل مشهد وكل منظر بيطبع على قلبك

عارفين المسلسلات دى عملت فينا ايه؟
دى بتوه الشباب

قال تعالى:

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ


......................................

هل نفس المسلسلات هتتعرض
وللا هنبدأ نفوق بقة؟

هل هنبدأ نفهم يعنى ايه رمضان؟

هل هيكون
رمضان كما يجب ان يكون؟


سبحانك اللهم وبحمدك
لا اله الا انت
نستغفرك ونتوب اليك


لا تنسونى من صالح دعائكم


م
ن
ق
و
ل

جزاك الله خير
فعلا موضوع مهم من الوقع في ناس كثير برمضان بعصي بسبب الصيام
او مش عارفين ليش صايمين اصلا بس الامتناع عن الطعام
اول رمضان شهر خير ووشهر مغفره او اهم شيء العتق من النار الله جعلنا من المعتوقين
يارب
يجب علينا الاستعداد من الان قبل فوات الاوان
اللهم بلغنا رمضان

الله بجد ع الموضوع الرائع الحمد لله انا لبحضر لا مسلسلات ولا افلام في العادي حتى
ربنا يوفقنا
وربنا يحفظك ويبارك فيكي يا هوبا

ابنة فلسطين كتب:جزاك الله خير
فعلا موضوع مهم من الوقع في ناس كثير برمضان بعصي بسبب الصيام
او مش عارفين ليش صايمين اصلا بس الامتناع عن الطعام
اول رمضان شهر خير ووشهر مغفره او اهم شيء العتق من النار الله جعلنا من المعتوقين
يارب
يجب علينا الاستعداد من الان قبل فوات الاوان
اللهم بلغنا رمضان

اللهم امين